गुणवत्तामा उत्कृष्टताको प्रत्याभूति
- श्री दाउन्ने फीड्स प्रा.लि.

कुनै पनि रूखको जरा जति गहिरो, जति फैलिएको, जति विकसित र बलियो हुन्छ, त्यति नै वृक्ष दह्रो हुन्छ। हरेक सम विसम परिस्थितिमा उभिन सक्ने हुन्छ। यस्तै यथार्थलाई हृदयाङ्ग गरी किसान भनेको हाम्रो जरा हो। जति किसानरूपी जरा पुष्ट, विकसित र फैलिएका हुन्छन् त्यति नै उद्योगरूपी वृक्ष दह्रो हुन्छ, जीवन्त, पुष्पित तथा पल्लवित हुन्छ।

कृषक हाम्रो ग्राहक, ग्राहक हाम्रो देवता हो। हाम्रो उत्पादन खरिद गरी उसले हामीमाथि कृपा गरेको छ, र उसलाई हृदयदेखि धन्यवाद छ। हामीले हाम्रो बल, बुद्धि, विवेकले सधैं व्यवसायिक इमान्दारीताको संरक्षण गर्नुपर्छ। कृषकसँग सहकार्य गर्दै सधैंसम्म उसको हित संरक्षण र उद्योगको पारस्परिक लाभको (Win Win Deal) निर्मित हित चिन्तन गर्नुपर्छ। एक आपस बीच अनुभव उपलब्धिको वैचारिक आदानप्रदान, आधुनिक प्रविधि र सिप हस्तान्तरण गर्नुपर्छ। प्रेम नै परमात्मा हो। कृषक, डिलर, उद्योगबीच प्रेमपूर्ण सम्बन्ध हाम्रो मूल मान्यता हो।